بس همه ان يركض ورا شهواته ووناسته اما الام المسكينه تعور القلب وتكسر الخاطر انا بس بفهم ما خاف من عقاب الله وين قاعدين احنا مو بالغرب اللي نقول مانلومهم استغفر الله يسون اللي يسوونه والله مادري ليش سوا هالريال جذي اشفيك يا الاهبل هاذي امك امك امك !!
لا تقولون متخلف وفيه وشه بمخه لا يوبه الريال دارس وفاهم ويمكن يعرف بامور الحياة احسن مني ومنكم .. بس ليش سوا هالخطوه القبيحه :( مسكينه الام ما تستاهل اللي ياها من ولدها وضناها اللي ياما تعبت معاه كبرته وسهرت على راحته وتعلم على ايدها وكانت تطبخ كل شي يحبه وماقصرت بشي المسكينه وكانت ابتسامته تسوى الدنيا وما فيها وتعتبره سند وعون لها لكن للاسف خيب ظنونها وكسر طموحاتها وعفس الدنيا عفاس بجنونه :(
والله احاول ارقع بس كلش الموضوع مو مال ترقيع حسبي الله ونعمه الوكيل انا ترددت افضح هالريال واكتب اسمه ولا بس بعد التفكير قلت لازم الكل يعرفه ومو كفو احد يتعامل معاه لان يستاهل ما اييه اهواللي سواه شي ما يصدقه عقل بس ماراح يطوف بدنياه جذي اكيد ربي بينتقم منه وبياخذ حق امه واكيد للاسلام موقف حق هالشي الولد اسمه ربا ولد بنك ربوي اي هذا اسمه ثبتوا عليه ولا تقربون منه لان اللي يسوي هالشي بامه يمكن يقرب من اشياء كثيره بحياته اذا اقرب الناس له ما سلمت منه .. قال الرسول عليه الصلاة والسلام الربا سبعون حوبا ايسرها ان ينكح الرجل امه !! فالربا امره خطير جدا ذكر فيها واااايد احاديث ولكن هذا الحديث اللي جذبني وايد يا جماعة الخير انتبهوا من هالريال ترى واااااايد ناس يتعاملون معاه عادي ويربحونه بعد وهالشي اللي مقوي شوكته عليينا بس لي متى واحنا نعينه ومو مستفيدين منه بشي بالعكس احنا اللي بناكلها وبنتحاسب باجر ولا اهو اهم شي يربح وخلاص ما همه احد فياريت لو ندقره ونخليه يطيح على ويهه ويخسر ويتحسف على اللي سواه ويتوب حق ربه ولا شرايكم انتوا ؟
