على شط الدنيا
نهر النيل
المصري يغني سنين مواويل
يغزل في النور
ويعدّي بحور
ويقول للموج يبعت مراسيل
ويغني حِكم و حكاوي كتير
مع إنه زليل
ومريض و عليل
و إتهرى مالكذب و مالتمثيل
و إتكوى مالسرقة و مالتضليل
على أرضة وعايش زي أسير
من يومه و شايل حمل ثقيل
و كأنه قدر من أوّل جيل
وفقير
مع إنه في أصله أمير
ولا كان صعلوك
ولا كان مملوك
ولا شال في بنوك
ولا شال في الزير
مع إنه كبير الدنيا بجد
إزا كان لشعوب الدنيا كبير
ولا عمره في عمره بيظلم حد
ولا عمره إفترى
ماهو قلبه جميل
لو داقت بيه بيبيع مناديل
أحسن ما يمد إيديه لعويل
المصري شريف
ونظيف
وأصيل
إزا كان مالدقي
أو البراجيل
