على ضي نجوم و هلال الفجر
ألمح فوق شفايفها البسمة
تصبح لي الأيام مبتسمة
وجبينها ينوّر
شمس
و بدر
وأستعجب ع المكتوب و القسمة
وأرسم قلب
و فوق الرسمة
أكتب غنوة
و شعر
و نثر
وأبقى الفارس
لو بتخاف
ولو في البحر
أكون مجداف
قلب حبيبتي
ياناس شفاف
جوة في حضني
الدفا و الستر
أكتب غنوة
وشعر
ونثر
أكتب فرحة وصوت زغاريت
و على بالليل أكتب حواديت
صوتها الهادي في وسط البيت
بيدفّينا بجد بشكل
أكتب فيها
ودايما فيها
قصة
وغنوة
وشعر
ونثر
